(untitled) AIR — “Kenmure’s on and awa (Agitato con spirito uproarioso)

9n

Chorus The mountain dew for me, cronie,

The mountain dew for me; Gin weel you’d cheer a frien’ that’s dear — A waught 0’ your Barley-bree!

Success to the Saint wi’ the hose, laddie The kilt, the bonnet, and hose; Wha cow’d the black deil wi‘ bags 0’ aitmeal, And a gliffin o‘ Athol brose! The mountain dew, &c.

He lo’ed the stingo dear, laddie, He lo’ed the stingo dear;

And (what d’ye think?) — said if deevils could drink, The drouthy had little to fear!

The mountain dew, &c.

It syn’d down his Haggis wi‘ gu’, laddie, It lent his Haggis a gu’;

And ne’er could he part wi’ what bet his auld heart Or stuck like a frien’ that‘s true.

The mountain dew, &c.

His bags he charged an a,’ [sic] laddie, His drons and droddoms an a’; And ‘tween ilka reel he gar’t the pipes squeel, And squeez’d like a drib in his maw! The mountain dew, &c.

What deeds are done wi‘ maut, laddie! What deeds are done wi’ maut! ‘Twill rouse the brave, unmask the knave, Gar time flee fast as thought! The mountain dew, &c.

Then broach your keg fra’ the stell, laddie; Your gude peat-reek frae the stell; The lame ‘twill gar rin -— see double the blin‘ — And the dumb its virtues tell! The mountain dew, &c.

And while we‘ve a drappie to prie, laddie, And while we’ve a drappie to prie; Here’s Scotia — her saunt — and may nane o’us want For a dribble o’ barley—bree! The mountain dew, &c."

17